У перыяд з 25 снежня 1944 па 7 студзеня 1945 гг., на базе 22-й гвардзейскай паветрана-дэсантнай брыгады ў г. Цейкава Іванаўскай вобл., быў сфарміраваны 350-й гвардзейскі стралковы полк, які ўвайшоў у склад 114-й гвардзейскай стралковай дывізіі 9-й Гвардзейскай Арміі.
З сакавіка па май 1945 г. полк, у складзе дывізіі, вёў жорсткія баі на тэрыторыі Венгрыі, Аўстрыі і Чэхаславакіі, падчас якіх прыняў удзел у разгроме танкавай групы праціўніка ў складзе 11 танкавых дывізій. З 7 па 11 красавіка 1945 г. полк удзельнічаў у вызваленні г. Вены.
Да 1 ліпеня 1946 г. у пасёлку Трушкі Белацаркоўскага раёна Кіеўскай вобласці частка была перафармаваная ў 350-й гвардзейскі парашутна-дэсантны ордэна Суворава III ступені полк і ў складзе 114-й гвардзейскай Венскай Чырванасцяжнай ПДД перадыслакаваная ў г.Полацк.
У красавіку 1956 г., пры расфармаванні 114-й гв. ПДД, 350-ы гвардзейскі парашутна-дэсантны ордэна Суворава III ступені полк перададзены ў склад 103-й гвардзейскай паветрана-дэсантнай Чырванасцяжнай ордэна Кутузава II ступені дывізіі.
З 21 жніўня па кастрычнік 1968 г. полк, у складзе 103-й гв. ПДД, выконваў урадавае заданне на тэрыторыі Чэхаславакіі.
У 1970-1978 гг. частка ў складзе злучэння ўдзельнічала ў розных буйнамаштабных вучэннях: «братэрства па зброі» (ГДР, 1970 г.), «Шчыт-72», «Вясна-75», «Авангард-76», «Бярэзіна-78», на якіх атрымала высокія ацэнкі камандавання.
З 26 снежня 1979 па 12 лютага 1989 гг. 350-ы гвардзейскі парашутна-дэсантны полк, у складзе 103-й гв. ПДД, прымаў удзел у аказанні інтэрнацыянальнай дапамогі Рэспубліцы Афганістан.
У 1990 г. часць, у складзе злучэння, была перададзена ў падпарадкаванне кіраўніцтва пагранвойскаў КДБ СССР, і з 15 студзеня па 14 мая ўзмацніла ахову ўчастка савецка-іранскай дзяржаўнай мяжы ў Азербайджанскай ССР у час канфлікту.
У 1991 г дэсантнікі вярнуліся ў падпарадкаванне ПДВ СССР, а ў маі 1992 г., увайшлі ў склад Узброеных сіл Рэспублікі Беларусь.
